{ "id": "d026778cb26f258f39c24b87c5579b694c2420ab", "text": "towards the Center. It must mechanically, and almost necessarily follow, by the continual Revolution of the crude Mass from West to East, like the winding up of a Jack, or rolling up the Leaves of a Paper-Book, that every one of these Strata, tho' they each reach the Center, must, in some Place or other, appear to the Day; in which Case there needs no specific Gravitation to cause the lightest to be uppermost, &c. for every one in its Turn, in some Place of the Globe or other, will be uppermost; and, were it practicable to sink to the Center of the Earth, all the Strata, that are, would be found in every Part, and according to the Poet, *Ponderibus librata suis*. Add to this, that in all Places within my Knowledge, the Observation of another Member of the Society has held good, that the Precipices of all Hills are to the Westward, whereas the Ascent to the East is more gradual. The farther Enquiry into which I offer to the Curious, who have better Opportunity.\n\nII. De Experimento probandi Spiritum Vini Gallici, perquam usitato, sed revera falso et fallaci. Authore C. Neuman, Chym. Prof. Reg. Berolin. R. S. S.\n\nSi qua rerum naturalium est scientia, è qua multæ erroneæ opiniones, praëjudicia, speculationes, & inde secutæ falsæ hypotheses atque experimenta extiterunt, Chymia in primis est; quæ tamen in se considerata, non nisi certis, in externos sensus incurrentibus\n\nDr. Stukely.\nrentibus, proinde facillimis, & tuto concludentibus rebus occupata est; quo magis mirandum est, quod quam plurimi ea de re conscripti libelli paucissima vera in se contineant, multo minus necessariae ad rem experientiae respondeant. Hinc etiam aliquantulum modo rei expertus non moratur magnificos & ingeniosae excogitatos librorum titulos, apparationes Chymicas, vanasque arcanorum ostentationes, dum protinus, quam fallacibus & incertis opinionibus fundata sint, perspicit. Hos flexus Labyrintheos pervadere, eorumque varias aberrationes attingere, non est instituti nostri; sed impraesentiarum tantummodo de experimento quodam Chymico, fortasse jam multis ab hinc annis frequentato, imaginario, & reapse falso ac fallaci, quod tamen quasi peculiare aliquod arcanum & ingeniosum inventum, adhuc dum occultatur, sententiam exponemus, eademque opera demonstrabimus, quod qui tali experimento fidunt, manifesto decipi antur, & quod ad id negotii requisita praeparatio Chymica nullum proorsus sit mysterium, uti venditatur, sed res rudem simplicitatem redolens, admodum vulgaris & perquam notissima.\n\nQuantum ad rem propositam: Nonnulli negotiatores in Hollandia, Anglia, Hamburgi, Dantisici, &c. qui maxime in coemendo & divendendo spiritu vini Gallici occupati sunt, certum aliquod experimentum probatorium crepant, idq; pro magno artificio ac singula ri arcano venditant, firmiter persuasi, se ope hujus experimenti non solum spiritum vini Gallici a spiritu frumenti, sed etiam genuinum ab adulterato discernere, atque ita in coemendo genuino spiritu vini Gallici, nequaquam defraudari posse. Hinc etiam tanquam indubitatum & infallibile probament um, imo magnum aliquod arcanum, quod non omnes calleant, adhuc existimatur, adeo, ut nemo hunc li quorem. probatorium, nec olfaciendum, neque gu ftandum\nstandum mihi concedere unquam voluerit, tametsi fide interposita protestabat, me illorum commercio nec nocituriun, nec artem hanc cum aliquo communicaturum. Quid quod nec ego ipse, nec illi praenoscere quibant, utrum ego nudo olfactu vel gustu conjectando illico affecuturus essem, quidnam rei sit, & qua ratione paranda esset?\n\nSubjectum liquor quidam est subfuscus-flavescens, quo adhibito mercatores experimentum istud ita peragunt. Complet primo scyphum vitreum spiritu vini Galici probando, deque liquore isto in scyphum illum vel unicam, vel duas tresve guttas, pro quantitate spiritus vini infusi, instillant. Quod si bonus fuerit & genuinus spiritus vini Galici, statim in fundo vitri impleti existit admodum caeruleus color pulcherrimus, qui si caule mundiore agitatur, cum reliquo spiritu permistus, totum vitrum colore cyaneo tingit; sin autem spiritus frumenti sit, ne quicquam cyanei coloris in vitro conspicitur, sed spiritus ille colorem suum primigenium retinet, etiam si de liquore dicto vel vigecuplo plures guttae scypho impleto instillentur. Sic uti igitur hic modus probandi generatim, putum frumenti spiritum a puto puro spiritu vini Galici, ex opinione Mercatorum discernit: ita hi consequenter hac hypothesi fidentes de utriusque spiritus vini & frumenti adulterinae commiscelae gradibus diversis judicant. Norunt enim ex conspecto colore caeruleo, nisi hic obscure talis; sed subcaeruleus modo, caesius, glaucus, aut ex cyaneo viridescens appareat, dijudicare, spiritum vini non solum adulteratum, sed etiam quoad gradus tot plusve minusve partibus spiritus frumenti mixtum esse.\n\nEquidem lubens fateor, hanc rationem probandi spiritus, ubi primum eam animadvertem, admiratione quadam & delectatione me affecisse, ita ut eam omnino certam & falsi nesciam primo adspectu crederem\nderem, quo etiam magis nunc talibus Mercatoribus &c Oenopolis, rerum Chymicarum ignaris, inscrutabilem sibi errorem condonare possum. Quum autem animo mecum subinde agitarem, quod nullum adhuc, quantum sciam, demonstrativum experimentum prostat, cujus ope peculiares puri spiritus vini Gallici & quidem rectificatissimi partes constitutivas a spiritu frumenti æque rectificatissimo distinctas ostendere vel saltem suspicari possimus, sed quod uterque spirituum ex iisdem partibus essentialibus constet, in quam communem qualitatem simpliciter necessaria fermentatione rediguntur, ideo argumentatus quoque mecum sum, quod si qua notabilis diversitas in dictis spiritibus eveniret, ea non a mixto intrinseco tanquam mixto spiritus vini formante, vel a vini indole ex quo spiritus destillatus fuit, sed necessario ab additamento quodam heterogeneo, ad constituendum spiritum vini, qua talem, nullo modo pertinente, ortum ducat, sive sub fermentatione aut destillatione peregrinum quid addatur, sive tingendo, extrahendo, vel ipsa commiscela aliorum liquidorum aut solubilium contingat.\n\nMeum non est in solis ejusmodi cogitatis, praecipitatis ut plurimum & fallacibus, acquiescere; quare varia, ad rem pertinentia, experimenta institui, quibus etiam facile impetravi conjecturae meæ confirmationem, quod scilicet in ista per dictum experimentum apparenter proveniente diversitate, nulla sit ratione spiritus ardentis vera & essentialis distinctio, sed quod productio coloris cærulei, ex quo differentia judicatur, heterogeneo cuidam, & ad specialem constitutionem spiritus vini plane non requisiti additamento debatur; atque ita totum experimentum, quacunque demum verisimilitudine se se commendans, falsum fit, fallax, & inutile, id quod jam ulterius comprobabo.\nPræmonendum autem mihi est quod, cum de addi-\ntamento hoc spiritus vini, liquore ad experimentum\npertinente destitutus, certior fieri non æque possem,\noperam dederim sedulam, dictum modo liquorem, ut-\npote ipsummet artificium laudatum, adinveniendi,\nquamvis ab initio parum in id concitatus, quod eum\nnunquam, ceu dixi, neque gustu, neque odoratu sen-\ntire, nec nisi sub institutis experimentis, eminus in-\ntuere licuerit, neque etiam difficultate sua caruisse\neum explorandi tentamina (quamvis, ut apparebit,\nsimplex ille sit & satis notus) nisi ab amico, qui Ge-\ndani cum quondam gustaverat, percepisset, quod\nstyptico sapore se exhibeat, quorsum cum omnia mea\nexperimenta dirigerem, tandem reperi, quod arcanum\nillud tanto in pretio habitum aliud nihil sit, quam\nmera solutio Martis in acido vitriolico, sive ex Marte\ncum spiritu vitrioli soluto, & cum aqua diluto, sive\nex vitriolo Anglico, sive ex vitriolo quodam Vene-\nreo-Martiali, præcipitando parato, sive ex mineræ\ncujusdam Martis, qualis Hassiacæ est, extractione con-\nstet, quamvis color cæruleus omnium elegantissimus\ncum ultima, nempe cum sic dicto liquore terræ Martis\nsolaris appareat: quo saturator solutio est, eo minus\nejus pro experimento faciendo requiritur.\n\nQuamvis autem liquoris hujus, utpote jam dudum\ncogniti, nova non sit inventio, quousque tamen pro\nexperimento illo probatorio adhibetur, res mihi nova\nomnino fuit, & perquam grata, tum quod antea co-\ngiendo in eam nunquam sponte inciderim, tum quod\nin secretis haberetur a Mercatoribus, & pro arcano\nfollicite servaretur, tum etiam & quidem potissimum\nideo quod per experimenta mea accessorium illud,\nspiritui vini, qua tali, peregrinum & minus essentiale,\ncolorem vero cæruleum proprie cum liquore dicto\nproducens, quid sit, & quanta fallacia, imo falsitate\nmanifesta\nmanifesta laboret experimentum probatorium detegere &\npropalare potuerim, quae praecipua mihi causa fuit,\nob quam observationem hanc inclytæ Societati exhibere gestiam.\n\nAdditamentum autem illud flavedinem primum spiritui vini Gallici concilians, hinc & sub experimen-\nto cæruleum colorem provocans, lignum quercinum est, sive segmenta aut ramenta ejus cum spiritu vini in-\nfundantur, sive in dolio quercino novo servetur spiritus, usque dum flavedinem ex ligno extraxerit; quo magis autem flavescit ille, eo magis cæruleus quoque cum liquore martiali evadit sub experimento, nisi croco vel alia quadam re flava tinctus fuerit.\n\nQuod autem totum negotium non nisi ligno quercino debeatur, experimento sequenti in contrarium facto, confirno: Assumo nempe spiritum frumenti, eundem, qui cum liquore neque cæruleum colorem exhibet, neque ullam aliam mutationem subit, atque ideo a mercatoribus pro puro frumenti spiritu judicatur, huic indo ramenta quercina, & infusa relinquio, donec spiritus frumenti flavedinem spiritus vini Gallici fere contraxerit, filtrato huic spiritui dum liquorem virolicum, sicuti spiritui vini Francici, instillo, eundem colorem cæruleum & æque elegantem acquiruo, nulla ne levissima quidem diversitate, aut disflimititudinem indicante phænomeno interveniente; quod abunde testatur, omnem mutationem coloris ex ligno quercino originem ducere.\n\nPossimus quoque spiritum frumenti cum alio quo-\ndam, analogia ad lignum quercinum accedente, cum gallis, v.g. infundere, frequenti similiter experimen-\nto. Succedit quoque res quodammodo cum cortice granati & aliis vegetabilibus adstringentibus, omnium tamen optime cum ligno quercino, cui cortices grana-\ntorum longe sunt inferiores, violaceum potius, quam\ncæruleum colorem, &c cum agitatur, viroris aliquod trahentem, exhibentes.\n\nNotatu dignum est, quod perparum liquoris ex ligno quercino extracti sufficiat ad qualitatem spiritui frumenti bene multo inducendam, pro cæruleo colore, cum dicto sãpius liquore, exhibendo, siquidem cum gutta unica infusi ligni quercini dimidiam spiritus frumenti unciam pro experimento subeundo ap- tam reddidi.\n\nLiquorem sive solutionem ex puro vitriolo Martia- li, nullatenus Venereo, constare & paratam esse debere, exinde apparet, quod experimentum i. cum Gosla- riense, Ungarico, Dantiscano, omnibusque simili- ter mixtis vitriolis, quæ qualitercunque venerea vel cuprea sunt, pro copia cupri commixti plus minus male succedat, & colorem valde dilute cæruleum, seu cæsium producat. 2. Quod cum puro vitriolo Veneris plane non succedat, nec ullum colorem cæruleum provocet, sic ut id variis experimentis, infra in ejus testimonium allatis, tentando didici.\n\nDicendum adhuc restaret ut, quibus de causis & quomodo color iste cæruleus oriatur, explicarem; quia vero rem pro incipiente, vel diluto, atramentorio scrip- torio habeo, cujus ingredientia, colorem suppeditan- tia, præcipua ex iisdem, nempe ex vitriolo Martis & adstringente vegetabili constant, de quibus D. Lemery scite & copiose differuit (v. Histoire de l'Aca- demie des Sciences l'année 1707.) hunc potius allegare volui illis, qui talibus delectantur, quam observationem hanc meam allegatis hujsmodi comple- re & extendere. Qui opticis aliisque Philosophicis- rationibus capiuntur, D. Boyle, D. Newton, & alios legant, qui de coloribus scripsérunt.\n\nSub finem discursus mei paucis commemorabo, quod inter Gallici vini & frumenti spiritum, purum nempe\nnempe hunc & cum cura destillatum, non alia quam peculiaris odoris & saporis in Francici spiritu vini a vinaceis, petiolis & acinis uvarum oriundi differentia indagari debeat, licet idem quoque odor & sapor variis modis spiritui frumenti conciliari atque hic ita in Francicum adulterari queat, ut eam vel peritissimus pro genuino Francico aut ad minimum pro frumenti spiritu plane non habuerit, unde apparet; quod uti primo allegatum, ita & alia experimenta spirituum ardentium probatoria nullius, vel saltem insufficientis usus sint.\n\nE L E N C H U S.\n\nExperimentorum in rem praesentem factorum.\n\nI. Primum octuplas paravi solutiones vitriolicas, pro qualibet drachmas duas vitrioli & unciam unam cum dimidia aquae communis destillatae recipiendo. Habui autem solutiones vitrioli. 1. Goslariensis, 2. Geddanensis, 3. Hungarici, 4. De Cypro, 5. Anglici, 6. Martis cum oleo vitrioli parati, 7. Martis ex vitriolo venereo martiali per praecipitationem facti, & 8. solutionem mineræ Martis Hassiacæ, vel sic dictæ solaris, cujus itidem binas tantum drachmas ad dictam aquae quantitatem assumpsi.\n\nII. Deinde triplices feci adstringentium vegetabilium extractiones per infusionem, ad quamvis unciam vegetabilis libram unam medicam spiritus frumenti, qui à liquore probatorio antea instillato nihil plane coerulei ostenderat, accipiendo; fuerunt autem extractiones 1. Ligni quercini, 2. Gallar. Turcic, 3. Granatorum corticum.\n\nIII. Tertio: Cum tribus hisce admodum saturatis extractionibus, triplicem quoque Gallici vini spiritum adulterinum, colorem saltem & flavedinem imitando, ex\nfrumenti spiritu effinxì, & quibusvis octo spiritus frumenti uncii unam extractionis unciam singulatim commiscui.\n\nIV. Denique: Ordinarium fumpsi spiritum vini Gallicum flavelcentem, atque etiam ordinarium recens distillatum spiritum frumenti, & de utroque, secundum ordinem modo dictum cum solutionibus vitriolicis, experimenta cepi ac successe institui.\n\nV. Infudi nempe quavis vice unciam dimidiam spiritus vini Francici in vitrum mundum infra acuminatum, & solutionis vitriolicæ unam, vel si non sufficeret ad cæruleum colorem proferendum, duas, tres usque ad quatuor guttas instillavi, vidique diligentem attendendo, quod spiritus vini Gallici dictus 1. cum solutione vitrioli Goslariensis pallide cæruleum, 2. cum solutione vitrioli Gedanensis, &c. 3. vitrioli Hungarici itidem subcæruleum, 4. cum solutione vitrioli de Cypro autem nullum plane cæruleum, sed subviridescentem colore induerit, 5. cum solutione vitrioli Anglici, atque 6. cum solutione vitrioli Martis, cum oleo vitrioli parati, itidemque 7. cum solutione vitrioli Martis per præcipitationem facti, valde elegantem, sed cum liquore Martis solari sic dicto, seu solutione mineræ Martis Hassiacæ, amoenissimum colore cæruleum acquisiverit. Causam diversitatis hujus supra jam dedimus.\n\nVI. Cepi porro pro quovis experimento probatorio dimidiam itidem spiritus frumenti unciam, & cujuvis solutionis vitriolicæ unam, duas, tres, imo decem & plures guttas instillavi, sed à nullius neque etiam ipsius liquoris sæpius dicti commiscela, quamvis plus ad hunc, quam ad Gallici vini spiritum additum fuerit, ullam ne levissimam quidem livedinem cærulei coloris observare licuit.\n\nVII.\nVII. Postmodum assumpti dicti sub numero III. & de eodem spiritu frumenti, triplici modo imitando effici spiritus vini Galici unciam dimidiam pro quovis experimento, eandemque cum ordinarior spiritu vini Francici factam, ac sub numero V. commemoratam instillationem cujusvis solutionis vitriolicae institui, & ecce conveniebant experimenta cum genuino, & cum adulterato hoc spiritu vini Gallicifacida, per omnia phænomena; nisi quod propter combinates variorum vegetabilium extractiones aliq a hinc inde, quamvis admodum levis differentia intervenret, uti ex sequentibus apparebit.\n\nVIII. Spiritus frumenti cum extractione gallarum ab instillata soluione vitrioli 1. Goslariensis, itidemque 2. Gedanensis nigrescebat quodammodo, 3. cum solutione vitrioli Hungarici ab initio, sub instillatione, dabat quidem aliquid cærulei, sed inter commiscendum perdebat penitus, 4. cum solutione vitrioli de Cypro plane non tingebaratur, 5. cum solutione vitrioli Anglici eleganter cærulescebat, & 6. cum solutione Martis utroque modo parati, ab initio quidem cæruleo, sed commiscela vero & interagitatione cum caule pennae, violaceo colore tingebaratur; denique 7. cum solutione mineræ Martis, & quidem una saltem ejus gutta, mixtus hic spiritus frumenti egregium acquisivit colorein cæruleum.\n\nIX. Spiritus frumenti extractione corticum granatorum, ceu dictum, imbutus, cum solutionibus vitriolicis, juxta ordinem praecedentem confusus, parum vel nihil cærulei provocavit, & circa priora quatuor puncta, eodem fere modo, se exhibuit, atque supradictus frumenti spiritus gallarum extractione imprægnatus, in posterioribus quoque experimentis mox viridiuscui quid, mox atramento æmulum ostendebat.\n\nX. E contrario spiritus frumenti extractione ligni quercini in similitudinem quandam Galici insucatus,\ncum solutionibus vitriolorum pure martialium, & præcæteris cum liquore Martis sōlari, omnium pulcherrimo colore cœruleo inficiebatur. Cum primis quattuor solutionibus vitriolicis vero eodem se modo habuit, ac cæteri spiritus frumenti fucati, imo non secus ac ipse spiritus vini Gallici.\n\nXI. Tandem cum satis essem confirmatus, rem cum ramentis ligni quercini optime succedere experiri libuit, quantum infusi vel extractionis ligni quercini, ad minimum pro aliquali saltem cœruleato colore producendo requireretur.\n\nVarias ergo quantitates minuendo semper parcieres, à dimidia drachma ad viginti, quindecim & pauciores guttas descendendo, probavi, adeo ut unica gutta sufficeret totam semiunciam spiritus frumenti qualitate imprægnando, quæ ad colorem cœruleum, licet non adeo saturatum, unica saltem gutta liquoris mineræ martis accedente, producendum requiritur.\n\nIII. An Account of a Fork put up the Anus, that was afterwards drawn out through the Buttock; communicated in a Letter to the Publisher, by Mr. Robert Payne, Surgeon at Lowestoft.\n\nJames Bishop, an Apprentice to a Ship-Carpenter in Great-Yarmouth, about 19 Years of Age, had violent Pains in the lower Part of the Abdomen, for 6 or 7 Months; it did not appear to be any Species of the Colick; he sometimes made bloody Urine, which induced me to believe it might be a Stone in the Bladder. He was very little relieved by Physick; at length a hard Tumor appeared in the Left Buttock, on or near the Gluteus Maximus, 2 or 3 Inches from", "source": "olmocr", "added": "2026-01-12", "created": "2026-01-12", "metadata": { "Source-File": "/home/jic823/projects/def-jic823/royalsociety/pdfs/103806.pdf", "olmocr-version": "0.3.4", "pdf-total-pages": 12, "total-input-tokens": 16976, "total-output-tokens": 6076, "total-fallback-pages": 0 }, "attributes": { "pdf_page_numbers": [ [ 0, 0, 1 ], [ 0, 1401, 2 ], [ 1401, 3203, 3 ], [ 3203, 5007, 4 ], [ 5007, 6768, 5 ], [ 6768, 8568, 6 ], [ 8568, 10295, 7 ], [ 10295, 11992, 8 ], [ 11992, 13572, 9 ], [ 13572, 15218, 10 ], [ 15218, 17007, 11 ], [ 17007, 18505, 12 ] ], "primary_language": [ "en", "en", "la", "la", "la", "la", "la", "la", "la", "la", "la", "la" ], "is_rotation_valid": [ true, true, true, true, true, true, true, true, true, true, true, true ], "rotation_correction": [ 0, 0, 0, 0, 0, 0, 0, 0, 0, 0, 0, 0 ], "is_table": [ false, false, false, false, false, false, false, false, false, false, false, false ], "is_diagram": [ false, false, false, false, false, false, false, false, false, false, false, false ] }, "jstor_metadata": { "identifier": "jstor-103806", "title": "De Experimento Probandi Spiritum Vini Gallici, Perquam Usitato, Sed Revera Falso et Fallaci. Auctore C. Neuman, Chym. Prof. Reg. Berolin. R. S. S.", "authors": "C. Neuman", "year": 1724, "volume": "33", "journal": "Philosophical Transactions (1683-1775)", "page_count": 12, "jstor_url": "https://www.jstor.org/stable/103806" } }